NQANQARU- Inene uSathana uzikhabile iingubo ngoba kuyacaca uhamba phakathi kwethu kweli laseMpuma Koloni, oku kuza emveni kwesikizi elihlasamlisa umzimba lokudlwengula kwentwazana eneminyaka elishumi elinesibini(12) ngamadoda amathathu kwilali yaseMdeni, eNqanqaru(Maclear).
Iingxelo zibhentsisa ngelithi lamadoda mathathu akhwele ezehlela etshintshana ngale ntwazana iselula, nto leyo ikhokhele ekubeni abanjwe ngoko nangoko ngabomthetho. Isibini salamadoda ebekhwele emaplangeni kamantyi ngomhla we-13 kule imiyo, kwaye umrhanelwa wesithathu kulindeleke adibane nenkundla kaMantyi ngomhla we-19 kule imiyo nanjengoko elelengandletyanyana esibhedlele.
Ukongeza kulengxelo, kuvakala ngelithi ixhoba belisajijana nemviwo zalo zaphakathi enyakeni kwibanga lesixhenxe kwisikolo samabanga aphantsi iFrank Moshesh PS.
Ukuzothi ga ngoku ixhoba lisezandleni zogqirha ngenxayi yomonzakalo omasikizi, kwaye kulindeleke ingalo yomthetho izibonakilise kwelityala.
Umfanekiso: uthunyelwe
Luxolo Buli
14 EyeSlimela 2025
