DIKENI- Basemanzini abilayo abo babekade bezingqonyela kwiDyunivesithi yaseFort Hare, oku kuza emveni kokuba abarhanelwa abathathu bathe bavela kwinkundla kamantyi yaseDikeni ngomhla wesibini kule imiyo, ngezityholo zokurhwaphiliza, ubuqhopholo kunye nokuthubelezisa imali ngondlela-mnyama.
Iingxelo zidandalazisa ngelithi owayesakuba yingqonyela yezemali uSimbongile Gqeqeza(41), Intloko yezophando uIsaac Plaartjies(57) kunye nomhlobo wabo uClaudine Davids(44) badyarhaza imali yesikolo engange R2 million ukusukela ngonyaka ka 2021.
Ukongeza kuvakala ngelithi lokaGeqeza wathumela umyalelo kwi bhanki ukuba ithumele imali engange R1,4 million kwinkampani engananto enxulumenise nesisikolo.
Loka Plaartjies yena wathubelezisa imali engange R985 000,00 engazange yenze nalo msebenzi yayiwuqashelwe, lomali yaxhamlwa nguDavids.Izinto zijike zamuncu xaleDyunivesithi ithe yafumanisa iinkcukacha ezikhwanqisayo kwicandelo layo lezemali, yaze yamemelela isigqeba soketshe sase Mpuma Koloni ukuba singenelele.
Abarhanelwa babanjwe besangqengqe ngama cala kwindawo ezohlukeneyo kuzwelonke ngomhla wokuqala kule imiyo.
Okwa ngoku abarhanelwa bangaphandle nge ngqawule yeR10 000 umntu ngamnye kwaye bazobuyela enkundlelini ngomhla wesine kule imiyo.
Umfanekiso: uthunyelwe
Luxolo Buli
04 Tshazimpuzi 2025
