TINARA- Yayinguqulukabhedu ngomhla we29 kweyeKhala 2023 kwilokishi yaKwaNobuhle, eGqeberha ngexesha amadoda amathathu ayephanga izithuthi ezimbini, oomakhalekhukhwini kunye nemali engange R20.
Lamadoda aphanga ummangali emzini wakhe afuna izintsixo zesithuthi sexhoba eyayiluhlobo leAudi, imfono-mfono kunye neR20 ekhombe ixhoba ngomkhono wekati. Kwathi kusenjalo kungaphelanga nemizuzu engamashumi amabini(20) omnye ummangali watsalela umnxeba abankwantsana esithi ugqityo kuphangwa ngamadoda amathathu inguye nonkosikazi wakhe bephangwa imfono-mfono zabo, ukutya kwasendlini kunye nesithuthi sabo esiluhlobo leVW Polo, beshiya iAudi.
Iingxelo ziveza ukuba ezizigila-mkhuba zazisenza lomkhwa nguNtlantle Jawa(32), uSiphosethu Level(26) kunye nendoda eseyayikhabayo ibhekile.
Igunya-bantu lezotshutshiso(NPA) eMpuma Koloni lingqinile ukuba ngokwenene esisibini sibanjiwe ngomhla we21 kule imiyo yinkundla kaMantyi ephakamileyo nebichotshelwe eGqeberha. “Abankwantsana bahletyelwa ngokukhawulezileyo malunga ngalamatyala, zange kuphele nobusuku amapolisa ekhangela izithuthi ezibiweyo. Ezizigila-mkhuba zagagana ngabakwantsasana zizama ukuqweqwedisa esinye isithuthi esiluhlobo leTSI, ” itshilo ingxelo etyekezwe ligunya-bantu lezotshutshiso ephondweni.
Ukanti umrhanelwa wesithathu wadutyulwa entloko eswelekela kwimfazo ebebeziqalele ngokwabo.
Ukongeza igqwetha lombuso nebelichophele elityala uVelile Makasana, uwakhombise izisele lamadoda engahleki nabhokhwe.
Ukanti umlawuli wabatshutshisi ephondweni uBarry Madolo, uyazingca ngabakwantsasana kunye nabecuphi ebebechophele elityala.
Abanqalintloko kulindeleke ukuba banikwe umphako wabo wokugwetywa ngomhla we-11 kweyeThupha kulo umiyo.
Zimbini Njece
22 EyeKhala 2025
