MTHATHA- Emveni kwezandyondyo zemvula ebezikhatshwa yingqele ebezibhengezwe yiNkonzo yeMozulu yaseMzantsi Afrika(SAWS), zishiye umonakalo omkhulu kubahlali baseMthatha. Ngokwengxelo edizwe yinkonzo yesipolisa eMpuma Koloni ngabantu abangama-57 abathe baphulukana nemiphefumlo kulonogumbe wemvula.
Icandelo lezoncedo nohlangulo eMpuma Koloni iK9-unit lithe bhazalala likhangela abo badizwe zintsapho zabo njengabalahlekileyo.
Ukongeza iNkulu Baphathiswa yaseMpuma Koloni uOscar Mabuyane ukhuphe ingxelo emalunga nesimo sentlekele ngethuba ebendwendwele idolophu yaseMthatha. UMabuyane udize ukuba ngabantu abalishumi elinesithathu(13) abaduke kunye nesithuthi esiluhlobo lekhumbi.
Phakathi kogqogqo olwenziweyo lufumane izidumbu zabantwana abane, umqhubi kwakunye no kondaktha.
Ukanti abathathu bafunyenwe bephila ukanti esinye isine asikaziwa.
Umfanekiso: OTP/Uthunyelwe
Athandiwe Kabeni
12 EyeSlimela 2025
