Izakuba ngu muncu-muncu kwabalandeli bomdlalo weqakamba leqela loMzantsi Afrika. Oku kuza emveni kokuba iqakamba loMzantsi Afrika(CSA) lithe labhengeza inkampani ye-ayisikrimu njengomlingane wayo osesikweni omtsha ukusukela ngomhla weshumi elinesihlanu kweyeNkanga 2024.Iingxelo zidiza ukuba esisivumelwano sizokuquka amaqithi-qithi okuba abalandeli bamunce ngexesha bezimase imidlalo lehlobo leqakamba.
Lenzame yamnkelwe ngezandla ezishushsu kwaye uMpathi jikelele weCSA uPholetsi Moseki uthethe wenjenje, “Le ntsebenziswano ngumzekelo ogqibeleleyo wendlela iibrendi ezinokuthi zisebenzise ngayo unxibelelwano olunamandla olufumaneka kwezemidlalo”.
Kanti uMpathi jikelele wekampani yakwa Ola uTreevin Naidoo akawuvalanga umlomo esithi,” Lento ayiphelelanga ngexesha lehlobo lodwa, sabelana ngothando elumqilima njengento eyenziwa lifuthe leqakamba ebantwini”.
Esisi vumelsano silifuthe kwaye nendlela yokubulela kubalandeli nabathandi beqakamba eMzantsi Afrika.
Luxolo Buli
15 KweyeNkanga 2024
Leave a Reply