KOMANI-Kweliphondo leMpuma Koloni, ngabantwana abathandathu(6) abagcuma zintlungu esibhedlele besabelana ngencwina emveni kokuthenga amashwam-shwam kwivenkile yabemi bangaphesheya kocingo.
Esisiganeko senzeke ngoLwesihlanu kwidolophu yaseKomani phantsi koMasipala wasekuhlaleni i-Enoch Mgijima kwisithili saseChrishani.
Ingxelo echanekileyo ithi, aba bantwana bathenge amashwam-shwam eDiscount Spaza Shop ngexesha lokuphuma kwesikolo. Bahlafune kabini-kathathu sazenzela isisu kubo, bambi begebha.
Baye baleqiswa kwisibhedlele saseKomani iFrontier ukuze babhila-bhilwe nguGqirha. OnguCeba wendawo kwawadi 09 uCllr Thabo Vali kunye negqiza eliphuma kwaMasipala kuye kwanyanzeleka benze olwabo ugqogqo nalapho bafumene ukutya okuphelelwe lixesha.
Enye yezinto abaziqapheleyo bubumdaka balevenkile.
Okwangoku isavaliwe ivenkile kunye nezinye iivenkile ezintathu ukuze kuqhutywe uphando oluthe gabalala.
umfanekiso: uthunyelwe
