QUMBU- Iinkuntsela zamasela zibe iigusha ezithe kratya ku200 emveni koko zaqhumisa irhuluwa kwinina elineminyaka eyi-33 ekhayeni lalo. Esisehlo senzeke kwilali yaseLower Tyirha kuQumbu, ngoMgqibelo.
NgoMgqibelo iinkuntsela zoonqevu zidubule elinina ethangeni ngexa belisefestileni, zabe ezinkuntsela ziqhuba umkhumbi weegusha othe kratya ku200.
Ngokwengxelo etyekezwe ngabakwantsasana ephondweni, “Amapolisa axelelwe ngesisihelegu ngobusuku bangoMgqibelo kodwa ngelishwa lomhluzi wamanqina khange aphumelele afumene igusha enye.”
NgeCawa usuku olulandelayo amapolisa ahletyelwe ukuba zikhona iigusha ezibhaqwe ngakumlabo othile kwilali yakuBhelekence.
“Ngethuba efika amapolisa afike ezigusha zifihlwe ezindongeni zomfula, ukanti amapolisa akwazile ukufumana iigusha eziyi-145 eziyi-24 besele ziyikhabile ibhekile,” itshilo ingxelo yababankwantsana.
Ukuzokuthi ga ngoku, abanqevu basacanda amathafa.
Umfanekiso: Iigusha ezifihlwe ngoonqevu ezindongeni zomfula
Umfanekiso: Facebook/ SAPS
Leave a Reply