MONTI- Umbutho wamaKomanisi oMzantsi Afrika(SACP) eMpuma Koloni ubhengeze ngokusesikweni ukukhaba ngawo omane naluphi na umanyano lukarhulumente(GNU) oluquka umbutho wezopolitiko iDemocratic Alliance (DA).
Oku kuza emveni kokuba lombutho ubusingathe intlanganiso kantsuku-ntathu kwiholo ledolophu yaseMonti, ukusukela ngomhla we25-27 kweyeDwarha 2024.
Isikhundla seSACP siqaqambisa iDA njengommeli ophambili weminqweno yoohlohlesakhe ibeka umbutho njengotshaba olunobuchule kwiNational Democratic Revolution (NDR).
Esisigqibo asingombono nje womntu omnye kodwa siquka iinkolelo ezisisiseko ekwabelwana ngazo zeqela lilonke, libethelela ukuzinikela kwalo ekukhuseleni iinjongo zenguqu zeNDR.
Unobhala wephondo weSACP eMpuma Koloni uXolile Nqatha uthi iDA inonxibelelwano nabo baneendlela zokuvelisa kwaye yenza konke okusemandleni ukuguqula indlela yeGNU ukuba kuzuze yona.
“Umanyano lukarhulumente wobambano(GNU) yinyani ekufanele kukhuphiswe ngayo ngenxa yomkhombandlela wayo, yiyo loo nto njengeSACP besikhetha urhulumente omncinci,” utshilo uNqatha.
Iinkokheli zeqela zigxininisa ukuba elinyathelo libalulekile ekukhuseleni iimfuno zabasebenzi kunye nokuqinisekisa ukuba umbono wenguqu wolingano nobulungisa bezentlalo uyaphunyelelwa, kumhlaba wezopolitiko waseMzantsi Afrika.
Ukukhatywa kobudlelwane obunokubakho neDA kubonakalisa umzuzu obalulekileyo kwezopolitiko zoMzantsi Afrika, najengoko iSACP iqinisekisa indima yayo njengomdlali ophambili ekubumbeni ikamva lolawulo lwelizwe.
Emfanekisweni: unobhala weSACP eMpuma Koloni; Xolile Nqatha
Umfanekiso: SACP EC
