EZEMIDLALO- Iqela lezintsiba-bhokhwe labasetyhini lisungule iphulo i-#PlusOne, behlaba ikhwelo kubemi boMzantsi Afrika ukuba bazibandakanye nabo kuhambo lwabo lokuya kwindebe yehlabathi yombhoxo ka2025 eNgilane.
Nanjengoko kulindeleke ukuba iqale itumente kwisithuba esingaphantsi kwenyanga, eli phulo lijolise ekuvuyisaneni nenkqubela yalo livuselela ukuzingca kwesizwe lidibanisa abemi boMzantsi Afrika ekuxhaseni iqela labo lombhoxo lamanenekazi.
Ngokwengxelo ekhutshwe kwimbalelwano yamabhokobhoko iphulo i#PlusOne licela abemi boMzantsi Afrika ukuba babengumthombo wenkuthazo nenkxaso yeqela “+1”, babhiyozele amanyathelo amancinci akhokelela kwiimpembelelo ezinkulu ekufuneni kwabo ukugqwesa phambili.
UKapteni wamanina ezintsiba-bhokhwe uNolusindiso Booi uthe eli qela lihambelana ngokupheleleyo nephulo i#PlusOne, inkxaso yesizwe abanayo iyabanceda kakhulu kulemingeni mitsha bajongone nayo.
Umfanekiso: Springboks
Siyolise Matala
16 EyeKhala 2025
