BIZANA- Luxheleke umphefumlo usapho lakwaMpontshani oku kuza emveni kokubhaqhwa komzimba wonyana wabo uSinethemba Mpontshani(29) sele uqwengwa zizinja eMpisi, eBizana ngomhla we22 kule imiyo.
Iingxelo zidandalazisa ngelithi lokaSinethemba wagqityelwa ukubonwa ephila ngomhla we17 kule imiyo nanjengoko wayehleli kwindawo yolonwabo nabahlobo bakhe.
Ukongeza, ngelixa behleli kwafika indoda yalapha elalini yamkhwebela ngaphandle emveni koko akazange aphinde abonakale.
Emveni kwamatile okukhangelwa kukaSinethemba umzimba wakhe ubaqhwe sele usonakala ngomhla we22 kule imiyo.
Oku kuza emveni kokuba kuthe kwabonwa izinja ziquqa zibuyelela kwindawo enenyama, kanti ziqwela lomzimba.
Ukuzokuthi ga ngoku amapolisa aseMpisi ahamba ngenyawo lofudo kwelityala nanjengoko besithi akukho bungqina wokuba ngubani onesandla kwesiganeko.
Kukwavakala nelithi lokaSinethemba ebesandokufumana ingqesho.Elityendana kulindeleke ukube libekwe kwikhaya lalo lokugqibela kungantsuku-zatywala.
Umfanekiso: uthunyelwe
Luxolo Buli
26 Canzibe 2025
