GQEBERHA-Usapho lukaMfundisi uNomonde Vakalisa(uMaGcwanini) lukhuphe ingxelo ngokuwa kukamfundisi uNomonde Vakalisa ngalentsasa yanamhlanje umhla wesine kwinyanga yoMnga 2024.
Umfundisi uVakalisa abaninzi bamazela kwisikhululo sosasazo uMhlobo Wenene FM. Uzibonakalise ngesakhono sakhe sokutsala indlebe yomntu kwiinkqubo eziliqela zoMhlobo Wenene, singakakhanya inkqubo yasekuseni awayeyibhexesha noSizwe Saliso(Slyso).
Uye waduma kakhulu kwinkqubo yeMvuselelo nalapho ubengena nomfundisi uMzukisi Faleni osele engumseki wesikhululo ILIZWI FM.
Ukongeza usapho luzakuyikhupha ingxelo epheleleyo malunga nokubekwa kwesisithunywa sikaThixo.
Phumla ngoxolo MaGcwanini. Malunga neenkcukacha ezithe vetshe unganxibelelana noMncedi Vakalisa kwezinombolo; 071-321-4797.
Emfanekisweni: Ongasekhoyo uMfundisi Nomonde Vakalisa
Umfanekiso: uthunyelwe
Leave a Reply